Mak 1:16-3:6
3.1 King ya i gat bigfala paoa
Mak 1:16-2:12
Long haf ya blong buk ya yumi luk se Jisas hem i gat fulap paoa. Hem i save wokem olgeta samting, mo evrisamting i obei long hem. I no minim se hem i strong nomo, be hem i gat raet blong wokem ol samting ya tu.
- Hem i gat paoa blong singaotem ol man oli kam folem hem (Mak 1:16-20; 2:13-17). Taem Jisas i singaotem Saemon, Andru, Jemes, Jon mo Livae, trifala i girap wantaem, oli lego ol samting blong olgeta, oli biaen long hem. Olgeta oli harem tok blong hem, oli obei long hem.
- Hem i gat paoa blong tijim ol man long God (Mak 1:21-28). Taem Jisas i tijim olgeta insaed long haos blong prea, oli luksave se hem i gat waes, mo hem i gat save. Hem i no olsem ol narafala tija we olgeta oli stap harem, hem i defren long olgeta.
- Hem i gat paoa blong ronemaot ol devel (Mak 1:21-28, 34, 38). Taem ol devel oli luk Jisas, oli fraet long hem from olgeta oli save se hem i tabu man blong God. Jisas hem i gat raet mo paoa blong ronemaot olgeta. Oli no save talem no long hem, oli obei long hem mo oli aot wantaem nomo.
- Hem i gat paoa blong hilim ol sik (Mak 1:29-34, 40-45; 2:1-12, 3:1-6). Jisas i hilim mama blong woman blong Saemon, mo wan man we hem i gat rabis sik blong skin, mo wan man we tufala leg blong hem ol i nogud. Hem i mekem olgeta oli gud bakegen. Mo i gat plante narafala sikman we hem i mekem oli gud bakegen. Jisas i gat paoa blong ronemaot ol sik.
- Hem i gat paoa blong fogivim ol sin (Mak 2:1-12). Jisas i talem long man ya se hem i tekemaot ol sin blong hem. Ol man we oli stap raonabaot oli haremsave se Jisas i talem se hem i fogivim ol sin blong man ya. Be oli kros from oli save se God nomo i save fogivim sin. Be Jisas i mekem leg blong man ya oli wok bakegen blong soemoat se hem i gat paoa blong fogivim ol sin.
- Hem i gat paoa ova long Sabat Dei (Mak 2:23-27). Ol rul blong ol man Ju blong Sabat Dei oli plante tumas. Be Jisas i no obei long ol rul blong olgeta. Hem i Masta blong Sabat Dei. Hem i gat raet mo paoa blong hem i save talem se plante long ol rul ya oli no stret.
Ol samting ya oli soemaot long yumi se Jisas i gat paoa. Bae yumi luklukgud long wan taem we Jisas i soemaot se hem i gat olgeta paoa, long Mak 2:1-12.
Ridim Mak 2:1-12
Fofala fren blong man ya oli wantem se Jisas i mekem wanem long man ya?
?Be Jisas i mekem wanem fastaem?
?From wanem nao ol man oli kros from samting ya?
?Jisas i mekem wanem biaen?
?Nao, taem Jisas i tekemaot ol sin blong man ya, olgeta oli save luk samting ya long ae blong olgeta?
?Be taem hem i mekem ol leg blong man ya oli gud bakegen, olgeta oli save luk samting ya long ae blong olgeta?
?Long wok blong hem long ples ya, Jisas i soemaot wanem?
Ridim Aesea 35:4-6 (mo luk bakegen long Aesea 40:1-2)?Be Jisas i mekem wanem fastaem?
?From wanem nao ol man oli kros from samting ya?
?Jisas i mekem wanem biaen?
?Nao, taem Jisas i tekemaot ol sin blong man ya, olgeta oli save luk samting ya long ae blong olgeta?
?Be taem hem i mekem ol leg blong man ya oli gud bakegen, olgeta oli save luk samting ya long ae blong olgeta?
?Long wok blong hem long ples ya, Jisas i soemaot wanem?
?Bambae hu i kam?
?Bambae wanem i hapen long taem ya?
?Jisas i stap soemaot wanem long taem ya, we hem i bin mekem tufala leg blong man ya oli gud bakegen?
?From wanem nao Jisas i gat paoa blong fogivim sin?
3.2 Fulap man oli agensem King ya?Bambae wanem i hapen long taem ya?
?Jisas i stap soemaot wanem long taem ya, we hem i bin mekem tufala leg blong man ya oli gud bakegen?
?From wanem nao Jisas i gat paoa blong fogivim sin?
Mak 2:1-3:6
Yumi luk se nius blong Jisas i goroan long evri ples (1:28, 45) mo plante man oli kam luk hem, oli glad long hem (1:33, 37, 45; 2:2, 13). Nomata we fulap man oli kam luk hem oli glad long hem be sam man oli harem nogud, oli no laekem hem. Ol man olsem ol Farisi mo ol tija blong loa nao oli sam long olgeta ya we oli no laekem Jisas. Olgeta oli man Isrel, oli olsem hae man blong jos we oltaem oli folem ol loa blong olgeta. Be olgeta oli no laekem Jisas. Oli luk se fulap man oli stap biaen long Jisas, hem i mekem se olgeta oli jalus long hem, mo oli kros long hem.
Long fas haf blong buk ya (Mak 1:1-45), i nogat man olsemia. Evriman i glad long Jisas. Be biaen, oli kam, oli askem ol kwestin long Jisas (2:6-7, 16, 18, 24). Mo long ol kwestin ya oli soemoat se oli no glad long hem. From oli no askem ol kwestin ya from oli wantem save ol ansa, nogat. Oli askem ol kwestin ya from oli kros long Jisas, oli wantem soemaot se hem i mekem ol samting we oli no stret. Mo long en blong haf ya oli mekem toktok agens long Jisas blong traem faenem rod blong kilim hem i ded (3:6).
Lukluk long ol kwestin ya we ol man oli stap askem insaed long ol pasej ya.
- ?Hu moa i save tekemaot sin? (2:1-12). Long ples ya, Jisas i fogivim sin blong wan man. Oli kros from God nomo i save fogivim sin, oli ting se Jisas i mekem wan samting we i no stret. Nao, Jisas i mekem tufala leg blong man ya oli gud bakegen blong soemaot se hem i gat paoa mo raet blong fogivim sin, hem i stap soemaot se hem i save mekem ol samting we God nomo i save mekem.
- ?From wanem Jisas i stap kakae wetem ol man nogud? (2:15-17). Long ples ya, Jisas i stap kakae wetem Livae mo ol fren blong hem. Be ol Farisi mo ol tija blong Loa oli ting se sapos yu kakae wetem ol man nogud, bambae yu tu, yu save kam nogud olsem olgeta. Hem i mekem se olgeta oli neva kakae wetem ol man nogud samtaem. Jisas i soemaot se tingting blong olgeta i no stret, mo hem i talem se ol man nogud ya tu, oli save kam man blong God.
- ?From wanem ol man blong yu oli no folem fasin blong livim kakae? (2:18-22). Fasin ya blong livim kakae hem i wan fasin blong ol man Farisi. Be Jisas i no folem fasin ya. Mo long tok blong hem, hem i talemaot se ol man blong hem oli no save livim kakae from se Jisas i stap wetem olgeta. Bambae ol man blong Jisas oli save livim kakae nomo taem hem i gowe long olgeta.
- ?From wanem ol man blong yu oli brekem Loa blong Sabat Dei? (2:23-28). Long ples ya olgeta oli kros long Jisas be i no from hem i no folem fasin blong olgeta nomo, be tu, hem i brekem loa we God i givim. Be long ansa blong Jisas, hem i talemaot se olgeta oli no andastanem gud ol loa we God i givim, mo hem i talemaot se hem i Masta blong Sabat.
Ol samting ya oli soemaot long yumi se olgeta oli agensem Jisas. Long lukluk blong olgeta, Jisas i stap jalensem paoa blong olgeta, mo from samting ya, olgeta oli no laekem hem. Bae yumi luklukgud long wan taem we oli kam, oli askem wan kwestin long Jisas long Mak 2:19-22.
Ridim Mak 2:19-22
Raetemdaon wanem nao ol man ya oli stap mekem.
?From wanem nao olgeta oli kros?
Long ves 19-20 Jisas i givim fasfala ansa blong hem.
- Ol man blong Jon...
- Ol man blong ol Farisi...
- Ol man blong Jisas...
?From wanem nao olgeta oli kros?
?Jisas i talem wanem?
?Tok ya i talem wanem long saed blong Jisas?
?Wanem tingting blong yu? ?Olgeta oli glad from ansa ya o no? ?From wanem?
Long ves 21-22 Jisas i givim seken ansa blong hem. Hem i tokbaot ol niufala samting mo ol olfala samting. ?Tok ya i talem wanem long saed blong Jisas?
?Wanem tingting blong yu? ?Olgeta oli glad from ansa ya o no? ?From wanem?
Ridim ves 21-22 bakegen. Tok ya hem i wan pija tok.
?Wanem nao hem i talem abaot ol niufala mo ol olfala samting?
?Wanem nao ‘ol olfala samting’ mo ‘ol niufala samting’?
?Hemia i talem wanem long yumi long saed blong Jisas?
?Wanem nao tingting blong yu? ?Olgeta oli glad from ansa ya o no? ?From wanem?
?Olsem wanem long yu?
?Wanem nao ‘ol olfala samting’ mo ‘ol niufala samting’?
?Hemia i talem wanem long yumi long saed blong Jisas?
?Wanem nao tingting blong yu? ?Olgeta oli glad from ansa ya o no? ?From wanem?
?Olsem wanem long yu?
Jisas hem i kam mo hem nao hemi rod blong go long God long hem. Ol olfala rod we ol man oli bin folem oli fulfil long hem be long semtaem oli finis. Naoia yumi mas bilif long hem mo lego ol narafala fasin blong go long God.
No comments:
Post a Comment